Maulap na Metro Manila, ibang bahagi ng bansa ngayon araw

Magiging maulap ngayon araw ang Metro Manila at ang kabuuan ng Pilipinas. Ayon sa PAGASA, maari din makaranas ng manakanakang pag-ulan at pagkulog- pagkidlat, bunga ng Intertropical Convergence Zone (ITCZ). At sa mga lugar na makakaranas ng malakas na pag-ulan, posible ang biglaang pagbaha, gayundin ang pagguho ng lupa. Hanggang katamtaman naman ang bili ng hangin sa Luzon at Visayas sa direksyon ng Timog-silangan patungong Timog-kanluran. Sa Mindanao, ang direksyon ng hangin ay Kanluran patungong Hilagang-kanluran at ito ay magiging hanggang katamtaman din ang bilis.