Isyu sa K-12 program at tech-voc certification prayoridad ng bagong TESDA chief
Ibinahagi ni bagong Technical Education and Skills Development Authority (TESDA) Director General Suharto Mangudadatu na may mga ginagawa ng hakbang para maplantsa ang mga gusot sa pagpapatupad ng kasalukuyang K-12 curriculum ng Department of Education (DepEd).
Aniya sa ngayon ay nakikipag-ugnayan na sila sa Senado at Kamara para maging maayos ang koordinasyon ng TESDA at DepEd ukol sa naturang programa.
Pag-amin ni Mangudadatu, may mga K-12 graduates na hindi nabibigyan ng sertipikasyon sa pagkuha nila ng short tech-voc courses dahil hindi accredited ang paaralan, gayundin ang mga guro.
Batid naman aniya nila na mas magkakaroon ng oportunidad ang K-12 graduates kung sila ay may sertipikasyon mula sa TESDA.
Inilatag din nito ang kanyang 10-point agenda ng kanyang termino, kabilang na ang TESDA sa Barangay, Youthpreneurship, at HALAL TVET.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.