Binigyan na ng green light ni Pangulong Ferdinand “Bongbong” Marcos Jr. ang implementasyon ng pilot testing ng food stamp program, ang programang layong mabigyan ng sapat, masustanya at murang pagkain ang may isang milyong mahihirap na Filipino.
Sa pulong balitaan sa Malakanyang, sinabi ni Social Welfare Secretary Rex Gatchalian na nais ng Pangulo na palawakin pa ang programa at isama ang mga buntis, single parent at nagpa-suso.
Sabi ni Gatchalian, nasa $3 milyong ayuda ang ibinigay ng Asian Development Bank, Japan International Cooperation Agency at French Development Agency para sa naturang programa.
Nasa P3,000 ang halaga ng food stamp.
Sa Hulyo inaasahang uumpisahan na ang programa.
MOST READ
LATEST STORIES