DA pinayuhan mga magsasaka na mag-ani na dahil sa bagyo

Pinayuhan ng Department of Agriculture (DA) ang mga magsasakang posibleng maapektuhan  ng bagyong Chedeng na mag-ani na ng kanilang mga pananim

Bukod dito, kailangan din na mailikas na sa mas ligtas na lugar ang mga alagang hayop at mga gamit sa pagtatanim. Dagdag pa ng kagawaran, dapat na linisin ang mga kanal  at irigasyon para hindi bahain ang mga pananim. Pinatitiyak naman  sa mga mangingisda na  ligtas ang mga bangka at iwasang pumalaot dahil sa malalakas na alon. Ayon sa PAGASA, maaring paigtingin ng bagyo ang habagat.