Panahon ng tag-ulan posibleng magsimula sa susunod na linggo
May posibilidad na sa susunod na linggo ay idedeklara na ang panahon ng tag-ulan, ayon sa Philippine Atmospheric, Geophysical and Astronomical Services Administration (PAGASA).
Bunga ito ng mga pag-ulan sa kanlurang bahagi ng bansa.
Sinabi ni weather specialist Rhea Torres hinihintay na lamang ang ilang “criteria” para maianunsiyo na ang simula ng panahon ng tag-ulan sa bansa.
“Tinitingnan natin for the past few days, may mga na-record na silang pag-ulan kung tuloy-tuloy pa rin ‘yon, particularly baka next week baka mag-onset na ang rainy season,” aniya.
Sa Pilipinas, ang “wet season” ay nagsisimula mula Mayo hanggang Oktubre.
Ang nararanasan na mga pag-ulan, ayon pa sa PAGASA, ay epekto ng habagat.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.