Ibinahagi ni Justice Secretary Jesus Crispin Remulla na inalok ng P8 milyon bawat isa ang mga nahuling suspek sa pagpatay kay Negros Oriental Governor Roel Degamo.
“Yun ang intelligence sa loob ng NBI na ganoon ‘yung alukan ng pera para itong mga taong ito ay bumaliktad,” sabi ni Remulla sa panayam sa telebisyon.
Ang alok ay para sa pagbawi ng mga suspek sa una nilang pag-amin sa kanilang bahagi sa pagpatay kay Degamo, gayundin ang pagkakasangkot ni suspended Negros 3rd District Rep. Arnolfo “Arnie” A. Teves Jr.
Ayon pa kay Remulla, diumano ang halaga ay inalok sa mga suspek ni dating Justice Usec. Reynante Orceo, ang abogado ng isa sa mga sinasabing utak sa krimen na si Marvin Miranda.
Bukod kay Miranda, hawak din ng NBI sina Rogelio Antipolo Jr., Winrich Isturis, Joven Javier, Romel Pattaguan, Eulogio Gonyon Jr., John Louie Gonyon, Jhudiel Rivero, Joric Labrador, Benjie Rodriguez, at Dahniel Lora.
Dagdag pa ni Remulla hindi nagustuhan ng korte ang pagbawi ng mga suspek sa una nilang pag-amin.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.