Suplay ng kuryente sa apat na NL provinces naputol kay ‘Betty’

 

Nawalan ng kuryente ang apat na lalawigan sa Hilagang Luzon dahil sa epekto ng bagyong ‘Betty.’

Naputol ang kuryente sa ilang bahagi ng Abra, Mountain Province at Ifugao, samantalang kabuuan ng Batanes ang walang kuryente.

Sa update mula sa National Disaster Risk Reduction and Management Council (NDRRMC) kabuuang 2,859  pamilya o 11,264 indibiduwal sa Batanes, Cagayan, Isabela, Aurora, Antique, Negros Occidental, at Apayao ang apektado.

Sa bilang, 877 pamilya o may katumbas na 3,483 indibiduwal ang nanunuluyan sa evacuation centers.