Hontiveros pinuna ang “urgency stamp” ng Palasyo sa MIF Bill

Hinahanapan ni Senator Risa Hontiveros ng mabigat na katuwiran ang nais ng Malakanyang na agad maipasa ang isinusulong na Maharlika Investment Fund (MIF) bill.

“It is still being pushed despite the fact that there is nothing left of the income from the Malampaya oil and gas fields, and the law that would have raised the government’s income from opening mines has not yet been passed,” himutok ni Hontiveros.

Diin niya dahil walang sobrang pondo, pinag-iinteresan ng gobyerno ang kita ng Land Bank of the Philippines (LandBank) at Development Bank of the Philippines (DBP). Aniya kawawa ang mga magsasaka at maliliit na negosyo kapag nangyari ito dahil hindi sila makakautang sa mga private commercial banks.   Mali din aniya na gamitin katuwiran ng mga nagsusulong ng panukala ang bumabagsak na kondisyon ng mga bangko sa ibat-ibang bahagi ng mundo.   Puna din niya ang patuloy na pagtanggi ng Malakanyang kung saan ilalagak ang maiipon na MIF.