53°C heat index sa Occidental Mindoro, bagong pinakamataas ngayon taon
Naitala ang “extremely dangerous” na heat index ngayon taon sa San Jose, Occidental Mindoro.
Tanghali kahapon, ayon sa PAGASA, nang maitala ang 53°C sa naturang bayan.
Ito na ang bagong pinakamainit na heat index ngayon taon matapos malagpasan ang 50°C na naitala sa Legazpi City, Albay noong Mayo 13.
Ang mga sumunod na pinakamataas na heat index kahapon ay 49°C na naramdaman sa Virac, Catanduanes; Aparri, Cagayan, at Butuan City, Agusan del Norte.
Paliwanag ng PAGASA, ang 52°C pataas na heat index ay itinuturing na “extremely dangerous” at maari nang magdulot ng heat stroke.
Samantala, ang 42°C hanggang 51°C ay “dangerous,” at maaring maging sanhi ng heat cramps at heat exhaustion.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.