Hepe na ginawang human target ang tauhan iimbestigahan ng PNP
Paiimbestigahan na ni PNP Chief Director Gen. Ricardo Marquez ang hepe ng pulisya sa Victorias City sa Negros Occidental matapos nitong masugatan ang isa sa kanyang mga tauhan na ginawang live target sa firing range.
Ayon kay Marquez, dapat lang na imbestigahan ang naturang insidente kung saan nasugatan ang pulis na nakilalang si PO1 Marvin Gustilo matapos mabaril sa paa ng kanyang opisyal na nakilalang si Supt. Frederick Mead.
Paliwanag ni Marquez, hindi umano niya ma-imagine kung ano ang purpose ng naturang aktibidad na hindi naman daw kasama sa regular training ng PNP.
Giit ni Marquez, kung mayroon mang ganitong klaseng training ang PNP ito ay para lang sa kanilang mga special units.
Base sa nagpost ng video sa facebook na si Jun Ledesma, nangyari ang insidente sa isang shooting range sa Victorias City sa Negros Occidental.
Isang lobo umano an inilagay sa pagitan ng mga hita ni PO1 Gustilo na siya namang inasinta ni Mead subalit sa paa ito ng biktima tumama.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.