30 pamilya apektado ng sunog sa Maynila

Tinatayang aabot sa P100,000 halaga ng ari-arian ang naapektuhan sa sunog na tumupok sa mga bahay sa Mayhaligue St., Brgy. 262, Sta Cruz, Maynila.

Nagsimula ang sunog dakong 10:32 ng umaga na umabot lamang sa ikalawang alarma at ideneklarang fire under control ganap na 11:18 ng umaga.

Lumalabas sa imbestigasyon na nagsimula ang apoy sa bahay ng isang Cecille Reyes dahil sa napabayaang kandila.

Labinlimang bahay naman ang naabo sa nasabing sunog kung saan 30 pamilya ang apektado.

Wala namang napaulat na nasaktan o nasawi sa insidente.