Nasawi ang tatlong katao, kabilang ang dalawang taong gulang na sanggol, nang bumagsak ang isang puno sa mga barong-barong sa gilid ng Estero de Magdalena sa Maynila kaninang madaling araw.
Itinuturo ang malakas na pag-ulan na dahilan sa pagbagsak ng puno.
Kinilala naman ang mga biktima na sina Edcel Lansiola, 42; Jomar Portillo, 28. at John Mark Portillo, 2, pawang residente ng Alvarado street.
Nabatid na hindi nakalabas ang mga biktima nang mabagsakan ng puno ang kanilang tirahan pasado alas-3 kanina.
Agad naman rumesponde ang mga tauhan ng Manila Disaster Risk Reduction and Management Office at nakuha ang huling bangkay bago mag-alas-8 ngayon umaga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.