P15.1-B para sa pagtayo ng 5,000 classrooms nailabas na
By Chona Yu May 17, 2023 - 10:14 AM
Inilabas na ng Department of Budget and Management (DBM) ang P15. 1 bilyong pondo para sa konstruksyon ng 5,000 classrooms.
Ayon kay Budget Sec. Amenah Pangandaman, ipatatayo ang mga eskwelahan sa 1,194 lugar sa buong bansa.
“The timely release of these funds, a joint request of the Department of Public Works and Highway (DPWH) and the Department of Education (DepEd), demonstrates that the PBBM administration does not hold back on investing in education. We need to build and repair classrooms to keep up with increasing enrollment in our public schools,” pahayag ni Pangandaman.
Una nang sinabi ni Vice President at Education Sec. Sara Duterte na malaki ang kakulangan ng mga silid aralan sa bansa.
“Our schoolchildren need to be in an environment conducive to learning and fun. Kailangan nila ng ligtas, malinis at maaliwalas na mga silid-aralan para makapag-aral nang mabuti. Sila ang ating best investment,” pahayag ni Pangandaman.
Sa mensahe naman ni Pangulong Marcos Jr. sinabi nito na bibigyan niya ng prayoridad ang konstruksyon ng mga eskuwelahan.
Gagamitin ang pondo sa construction, replacement at completion ng kindergarten, elementary at secondary school buildings at technical vocational laboratories; installation o replacement ng disability access facilities; construction ng water at sanitation facilities; at site improvement.
Samantala, gagastusin ang P131,427,470.00 na pondo para sa Engineering and Administrative Overhead (EAO) expenses.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.