Heat indexes sa 30 lugar sa bansa umabot sa “danger level”
Inanunsiyo ng Philippine Atmospheric, Geophysical and Astronomical Services Administration (PAGASA) na 30 lugar sa bansa ang nakaranas ng napakataas na temperatura ngayon araw.
Ayon sa ahensiya ang pinakamataas na naitalang heat index ay 47 degrees Celsius sa Barangay Ambulong sa Tanauan City, Batangas.
Sinabi pa ng PAGASA na ang heat index na 42°C hanggang 51°C ay nasa “danger level”na maaring magdulot ng heat cramps at heat exhaustion, na maaring humantong pa sa heat stroke.
Ang iba pang mga lugar na nakaranas ng matinding init ay ang mga sumusunod:
Dipolog, Zamboanga del Norte (46°C); Catarman, Northern Samar (45°C); Roxas City, Capiz (45°C); Aparri, Cagayan (44°C); Baler, Aurora (44°C); Iba, Zambales (44°C); Sangley Point, Cavite (44°C); Ninoy Aquino International Airport, Pasay City (44°C); Tuguegarao City, Cagayan (44°C); Calapan City, Oriental Mindoro (43°C); Central Luzon State University sa Muñoz, Nueva Ecija (43°C); Daet, Camarines Norte (43°C); Legazpi City, Albay (43°C); Zamboanga City, Zamboanga del Sur (43°C); Butuan City, Agusan del Norte (42°C).
Gayundin sa Casiguran, Aurora (42°C); Clark Airport, Pampanga (42°C); Cotabato City, Maguindanao (42°C); Dagupan City, Pangasinan (42°C); Infanta, Quezon (42°C); Laguindingan Airport, Misamis Oriental (42°C); Laoag City, Ilocos Norte (42°C); Maasin, Southern Leyte (42°C); Masbate City, Masbate (42°C); Port Area, Manila (42°C); San Jose, Occidental Mindoro (42°C); Science Garden, Quezon City (42°C); Surigao City, Surigao del Norte (42°C); at Tacloban City, Leyte (42°C).
Ngayon taon, ang pinakamataas na heat index ay naitala ay 49℃ noong Abril 16 sa Guiuan, Eastern Samar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.