US solar power company palalakihin ang puhunan sa Pilipinas
Washington, D.C-Target ng isang nangungunang kompanya sa solar technology at innovation na palawakin at maglagak ng $900 milyon solar energy sa bansa.
Ito ang inanunsyo ni Maxeon chief executive officer Bill Mulligan kay Pangulong Marcos Jr. sa Blair House dito at aniya balak nila na palawakin pa ang investment sa Pilipinas.
Ayon kay Mulligan, nasa 3,000 na trabaho ang inaasahang malilikha sa mga susunod na taon at malaki ang kanilang kumpiyansa sa pamumuno ni Pangulong Marcos.
Nabatid na ang Maxeon ay nag-ooperate sa SunPower brand na mayroong global markets gaya sa Amerika, Canada, Japan, Malaysia at Mexico.
“The Philippines has been incredibly important… it’s actually a strategic part of our company. And I want to thank you and I want to thank all of the government agencies for all of the help and the support for the 40 plus years that we’ve been in the country,” pahayag ni Mulligan.
Dagdag pa nito, uumpisahan na ng kanilang hanay ang expansion sa research and development (R&D) facility sa Cavite na makapagbibigay ng 2,000 na engineering jobs.
Taong 2003 pa may operasyon ang kompanya sa bansa nang buksan ang unang factory sa Laguna Technopark sa Biñan City sa ilalim ng Sunpower Philippines Manufacturing Ltd .
Nasa 1,000 na trabaho sa skilled local workforce of managers at solar engineers.
Kasama ng Pangulo sa meeting sina dating Pangulo at ngayon ay Senior Deputy Speaker Gloria Macapagal-Arroyo, Speaker Martin Romualdez, Trade Sec. Alfredo Pascual, Finance Sec.Benjamin Diokno, Special Assistant to the President Sec. Antonio Ernesto Lagdameo Jr., Philippine Ambassador to the United States Jose Manuel Romualdez, at Trade Usec. Ceferino Rodolfo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.