(File photo)
Nasa 13,866 indibidwal mula sa Cagayan Valley ang nakatanggap ng financial assistance mula sa Department of Social Welfare and Development.
Nasa P41.1 milyong pondo ang ipinamigay ng DSWD. Kinuha ang pondo sa Assistance to Individuals in Crisis Situation (AICS) program ng DSWD.
Kabilang sa mga benepisyaryo ay galing sa mga probinsya ng Batanes, Cagayan, Isabela at Nueva Vizcaya.
Ginamit ang ayuda para sa medical needs, funeral expenses at hospitalization at iba pa.
Kasama sa mga namahagi ng ayuda si Senador Imee Marcos at mga lokal na opisyal.
Ayon kay DSWD Secretary Rex Gatchalian, patuloy na bibigyan ng tulong ng kanilang hanay ang mga Filipino na nangangailangan.
Pagtalima na rin aniya ito sa utos ni Pangulong Ferdinand “Bongbong” Marcos Jr. na bigyan ng komportableng pamumuhay ang bawat isa.