Private hospitals hindi pa binabaha ng COVID 19 patients

Kayang-kaya pa ang sitwasyon sa mga ospital sa bansa.

Pahayag ito ng Private Hospitals Association of the Philippines Inc. (PHAPI) sa kabila ng pagtaas ng kaso ng COVID-19 sa bansa.

Sa Laging Handa Public Briefing, sinabi ni PHAPI president Dr. Jose Rene de Grano, maliit lamang na bilang ang isinusugod sa ospital.

Aniya karaniwan sa mga nao-ospital na taglay ang 2019 coronavirus ay ang mga may comorbidities.

Sa pinakahuling tala ng Department of Health(DOH), nasa 8.5 percent ang COVID 19 positivity rate sa Pilipinas.