Chinese chef timbog sa higit 500 kilo ng shabu sa Baguio City
Arestado ang isang Chinese citizen matapos madiskubre sa kanyang diumanoy pag-iingat ang 575 kilo ng shabu sa Baguio City kaninang umaga.
Kinilala ang naaresto na si Ming Hui, alias Tan, 51, isang chef at residente ng Barangay Irisan, Baguio City.
Base sa paunang impormasyon, alas-8:55 nang isilbi ng awtoridad ang search warrant na inisyu ni Judge Rufus Gayo, ng Baguio City RTC, para sa posibleng paglabag sa Comprehensive Dangerous Drugs Act of 2002.
Nabatid na ang halaga ng mga nadiskubreng droga ay humigit kumulang P5 bilyon.
Nasaksihan naman ang operasyon nina Pros. Philip Ceasar Castel at Punong Barangay Arthur Carlos.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.