Pulis na sangkot sa hit and run sa QC, sibak sa serbisyo
Sibak sa serbisyo ang isang opisyal habang sinuspendi naman ang tatlo pang pulis matapos masangkot sa hit and run sa isang tricycle driver sa Anonas Street, Quezon City.
Ayon kay Quezon City People’s Law Enforcement Board chairperson Rafael Calinisan, tanggal sa serbisyo si Police Lieutenant Colonel Mark Julio Abong.
Suspendido naman ng anim na buwan sina Police Colonel Alexander Barredo, Police Corporal Joan Vicente at Police Senior Master Sergeant Jose Soriano. Napawalang sala naman ang siyam na iba pang pulis.
Agosto noong nakaraang taon nang masagasaan ni Abong ang tricycle driver na si Joel Laroa na nasawi sa insidente.
Pero sa halip na huminto, tinakasan ni Abong ang biktima sa tulong ng mga nasuspending pulis.
Ikinatuwa naman nina Arlene, Annale at Armida mga kapatid ni Abong ang naging desisyon ng PLEB.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.