Magtatayo ng 20 five-story medium rise buildings sa utos ni Pangulong Marcos Jr. sa Disiplina Village, Marcelo H. Del Pilar, Arkong Bato, Valenzuela City.
Personal na pinangunahan ng Pangulo ang groundbreaking ceremony para sa kabuuang 1,200 housing units.
Ayon kay National Housing Authority General Manager Joeben Tai, mga informal settlers na naninirahan sa paligid ng Manila Bay ang makikinabang sa naturang proyektong pabahay..
Ito aniya ang mga naapektuhan sa naging desisyon ng Korte Supreme na Mandamus to clear the Manila Bay Area.
Nabatid na ang ipagagawa ngayon ng Pangulo ay ang Phase 1 ng proyekto na dalawang five-storey low rise building
Ayon kay Engineer Jeanilyn Cabulong, acting principal engineer ng National Housing Authority nasa P160 milyon ang inilaang pondo para sa dalawang gusali. Inaasahang matatapos ito sa loob ng isang taon.
Target ng Pangulo na makapagpatayo ng 6 milyong pabahay sa loob ng anim na taon.