Negros Oriental Governor Roel Degamo patay sa pamamaril
Patay si Negros Oriental Governor Roel Degamo matapos pagbabarilin ng anim na suspek sa Brgy Isidro, Pamplona.
Ayon sa ulat, namimigay ng ayuda si Degamo sa kanyang bahay nang pagbabarilin ng mga salarin.
Nagtamo ng tama ng baril sa ibat ibang bahagi ng katawan si Degamo at binawian ng buhay kaninang pasado 11:00 ng umaga.
Nasugatan ang ilang sibilyan matapos tamaan ng bala.
Nabatid na nakasuot ng full battle gear ang mga suspek.
Nagsasagawa na ng imbestigasyon ang mga pulis kaugnay sa naganap na insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.