Inatasan Interior Secretary Benhur Abalos ang pamunuan ng PNP na magsagawa ng masusing imbestigasyon sa pagkamatay ng estudyante ng Adamson University dshil sa diumanoy fraternity hazing.
Ayon kay Abalos, kailangan na alamin ng PNP ang mga pangyayari na bumabalot sa pagkamatay ni John Matthew Salilig.
Sa ngayon, 15 katao na ang itinuturing na persons of interest sa pagkamatay ng 24-anyos na engineering student.
Una nang naiulat na nawawala si Salilig bagamat naipaalam nito na sa isang kapatid na dadalo siya ng aktibidad ng fraternity.
Isang testigo ang nagsabi na namatay ang biktima matapos sumailalim sa initiation rites at ibinaon ang kanyang bangkay sa isang bakanteng lote sa Imus, Cavite.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.