Bibisita sa bansa si Malaysian Prime Minister Anwar Ibrahim.
Ayon sa pahayag ng Palasyo ng Malakanyang nasa Pilipinas si Ibrahim sa Marso 1 at 2.
Ito ang unang official visit ni Ibrahim sa Pilipinas mula nang maging prime minister noong Nobyembre.
Magkakaroon ng bilateral meeting si Ibrahim kay Pangulong Ferdinand “Bongbong” Marcos Jr. ng 4:00 ng hapon bukas sa Palasyo ng Malakanyang.
Tatalakayin ng dalawang lider ang usapin sa political, security at economic cooperation, people-to-people, halal industry collaboration at digital economy cooperation.
Inaasahang magkakaroon din ng palitan ng pananaw ang dalawang lider sa usapin sa regional at international issues.
Magsasagawa rin ng dinner banquet ang Pangulo para kay Ibrahim.
Si Ibrahim ang unang head of government na bibisita sa bansa sa ilalim ng administrasyon ni Pangulong Marcos.