Anim na miyembro ng National Innovation Council, itinalaga ni Pangulong Marcos
Inaprubahan na ni Pangulong Ferdinand “Bongbong” Marcos Jr. ang pagtatalaga ng anim na bagong executive members ng National Innovation Council.
Ginawa ng Pangulo ang pagtatalaga sa ika-apat na meeting ng NIC mula nang naitatag noong 2019.
Hindi naman tinukoy ng Palasyo ang anim na miyembro.
Layunin ng NIC na maitaguyod ang culture of innovation sa bansa.
Ayon kay National Economic and Development Authority Secretary Arsenio Balisacan, panahon na palakasin ang innovation at kolaborasyon sa pribadong sektor dahil nahuhuli na ang bansa kumpara sa mga kapit bahay na bansa.
“To be very clear, innovation plays a critical role in our pursuit for sustained and accelerated economic growth and development, as it serves as a catalyst for raising overall productivity and elevating the quality of our goods and services,” pahayag ni Balisacan.
“Only through a collective national effort can we truly pursue and attain these goals for our future. The Marcos administration reaffirms its commitment and determination to turn these visions and plans into a reality, and build a strong economic foundation for the future generations of Filipinos,” dagdag ni Balisacan.
Si Pangulong marcos ang tumatayong chairman ng NIC habang si Balisacan ang vice chairman.
Sa naturang pulong, nagtatag din ang NIC ng 10 National Innovation Priority Areas. Ito ay ang Learning and Education, Health, Food and Agriculture, Finance, Trade, Transportation and Logistics, Public Administration, Security and Defense, Energy, at Blue Economy and Water.
Ito rin ang magiging prayoridad ng pamahalaan sa susunod na 10 taon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.