895 bagong COVID 19 cases naitala, average daily cases bumaba

Mula Pebrero 13 hanggang kahapon, Pebrero 19, nakapagtala ang Department of Health (DOH) ng 895 bagong kaso ng COVID 19 sa bansa. Ang bagong average daily cases ay 128 na mas mababa ng 19 porsiyento kumpara sa naitala noong Pebrero 6 hanggang 12. Nabatid na sa mga bagong kaso, tatlo ang malubha at kritikal ang kondisyon. May 74 naman na nadagdag sa bilang ng mga nasawi at apat sa kanila ay sa pagitan ng Pebrero 6 hanggang 19. Sa kabuuan naman, 406 ang malubha at kritikal ang kondisyon sa mga pagamutan. May 2,086 ang nasa intensive care unit (ICU) beds, samantalang 3,202 naman ang okupado sa 17,045 non-ICU beds.