Nagkataon lamang ang pagpapadeport sa apat na Japanese national na sangkot sa serye ng robbery sa Japan ang pagbisita ni Pangulong Ferdinand “Bongbong” Marcos Jr.
Sa panayam ng Philippine Media Delegation habang sakay ng PR 001 patungo ng Japan, sinabi ng Pangulo na bago pa man plinano ang pagbisita sa Japan, sumasailalim na sa proseso ang pagpapa-deport sa apat na Japanese na tinaguriang “Luffy” robbery.
“Nagkataon lang. It is just by coincidence that it happened,” pahayag ng Pangulo.
Sinabi ng Pangulo na hindi naman makasasakit sa relasyon ang pagpapdeport sa apat na Japanese dahil request o hiniling naman ito ng pamahalaan ng Japan bagay na pinagbigyan ng Pilipinas.
Umaasa ang Pangulo na magbibigay daan ito para sa pag-uusap sa panig ng Japan.
Sinabi pa ng Pangulo, hindi na idinaan sa extradition kundi idinaan na lamang sa deportation ang apat na Japanese.