Imported na galunggong dumating na, ayon sa BFAR

Nasa bansa na ang 55 porsyento ng 25,056.27 metrikong tonelada ng galunggong na pinayagan ng gobyerno na iangkat.

Ayon sa Bureau of Fisheries and Aquatic Resources (BFAR), dumating ang mahigit 13,000 metrikong tonelada ng galunggong habang ipinatutupad ang closed fishing season sa Northeast ng Palawan.

Sa ngayon, nasa P280 ang presyo ng lokal na galunggong kada kilo habang nasa P220 hanggang P240 ang presyo ng imprted na galunggong.

Ipinatutupad ang closed fishing season noong Nobyembre 1 at tatagal ng hanggang Enero 31.

Bukod sa galunggong, pinayagan din ng BFAR ang pag-aangkat ng bigeye scad, mackerel, bonito, at moonfish.