Air Force aircraft bumagsak sa Bataan, 2 piloto nasawi

Nasawi ang dalawang piloto ng Philippine Air Force (PAF) sa pagbagsak ng isa nilang eroplano sa Pilar, Bataan. Base sa paunang ulat, isang SF-260TP trurboprop aircraft ang sangkot sa trahedya. Mistulang nagkayuyuping lata ang eroplano nang bumagsak ito sa isang palayan sa Sitio Tabon, sakop ng Barangay del Rosario. Wala pang opisyal na pahayag ang PAF sa insidente.