Nais ni Senator Risa Hontiveros na magsagawa ng malalimang imbestigasyon sa Bureau of Immigration paniniwalang may mga koneksyon sa kagawaran ang Chinese mafia.
Hiniling din nito na magkaroon ng balasahan sa kagawaran para sa proteksyon na rin ng mga Filipino na umaalis ng bansa.
“Marami nang napabalitang nasibak pero tuluy-tuloy parin ang pagre-recruit ng mga Pilipino para mangscam. May mga contact pa ba ang sindikato sa loob ng BI? Bakit hindi ito maampat?,” tanong ng senadora.
Sinabi nito na nang ibunyag niya ang Pastillas scam ay ipinanawagan na niya ang balsahan sa BI ngunt tila walang nagbago gaya na lamang ng ilegal na pagpapadala ng mga Filipino sa Cambodia at Thailand.
Maari aniya na suriin ang Immigration Modernization bill para mas maging epektibo ang Immigration Bureau sa pamamagitan ng taas-suweldo ng mga kawani at immigration system updates.
Kasabay nito, sinabi din ni Hontiveros na dapat ay magpaliwanag ang Facebook dahil sa social networking site nag-uugat ang ‘trafficking’ ng mga Filipino.
“Facebook needs to be answerable for these trafficking schemes that are perpetrated on their platform. The company has to be aware of this modus and be on the lookout for these kinds of posts. I-take down o i-block na dapat ang mga accounts o posts na mga ito para hindi na makapag-recruit pa ng Pilipino,” dagdag pa ng senadora.