Nakipag-ugnayan ang Department of Social Welfare and Development (DSWD) sa ibat-ibang tanggapan ng gobyerno para ikasa ang One-Stop-Shop Serbilis On-the-Go! sa DSWD Central Office sa Quezon City.
Layunin ng aktibidad na mabigyan ng ng oportunidad ang mga empleyado at mga kamag-anak na maka-access sa frontline services ng pamahalaan nang hindi na lumalayo sa kanilang pinatatrabahuan.
Kasama sa pagbubukas ng bagong programa si Comelec Chairman George Erwin Garcia kung saan agad na ibinida ang Register Anywhere Project (RAP).
Ang RAP ay ang voter registration project na naglalayong ma-reactivate ang voter’s records, transfer of voter’s information, at enrolment ng mga first time voters.
Ayon naman kay DSWD Officer-in-Charge (OIC) Eduardo Punay, mahalaga ang ugnayan ng Comelec lalo na sa RAP.
“The DSWD supports the COMELEC in its endeavor to make voter registration easy and accessible to the Filipino people. Hence, a satellite registration site in the DSWD Central Office was established today to provide a venue for the registration of DSWD employees and their relatives for the upcoming Barangay and Sangguniang Kabataan elections,” pahayag ni Punay.
Nangako din si Punay na susuportahan ang mga inisyatibo sa voter’s education at registration.
Kasama sa One-Stop-Shop Serbilis On-the-Go! ang Government Service Insurance System(GSIS) Philippine Statistics Authority (PSA), Philippine Identification System (PSI) Land Transportation Office (LTO), National Bureau of Investigation (NBI) at Professional Regulation Commission (PRC).
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.