Pagpapauwi sa mga labi ng pinatay na Pinay household service worker sa Kuwait, minamadali

 

Sinabi ni Migrant Workers Secretary Susan ‘Toots’ Ople na minamadali na ang pagpapabalik sa Pilipinas ng mga labi ng Filipina household service worker, na brutal na pinatay sa Kuwait.

Ayon kay Ople, ito ay dahil hawak na ng awtoridad ang suspek, ang 17-anyos na anak ng amo ni Jullebee at ito ay kinilalang si Turkey Obaid Al-ajmi.

Dagdag pa ng kalihim nay ugnayan na sila ng pamiya ni Ranara at nagsimula na rin na bigyan nila ng suporta at tulong ang mga ito.

Aniya, naipaliwanag na sa mga pamilya ang death at burial assistance na kanilang matatanggap.

Base sa mga paunang ulat, ginahasa si Ranara, na ang sunog na bangkay ay natagpuan sa isang disyerto.

Nadiskubre din sa awtopsiya na buntis si Ranara.