Peace adviser ni Duterte, umalis na patungong Norway

Nakaalis na patungong Oslo, Norway si incoming presidential peace adviser Jesus Dureza para makipag-usap kay communist leader Jose Maria Sison hinggil sa posibilidad na mas maagang pagsisimula ng usapang pangkapayapaan.

Kinumpirma ito ni Dureza sa pamamagitan ng post sa kaniyang Facebook account.

“I am flying tonight to Paris enroute to Oslo, Norway for an informal meeting with the CPP (Communist Party of the Philippines) headed by Mr. Jose Ma. Sison upon instructions from Pres-elect Rodrigo Duterte to work for the early resumption of the stalled peace negotiations,” ayon kay Dureza.

Kasama ni Dureza na nagtungo sa Norway sina incoming Labor Secretary Silvestre Bello III at dating Pangasinan Rep. Hernani Braganza, na nagsilbi ring government emissary sa CPP sa ilalim ng administrasyong Aquino.

Ayon kay Dureza, inaasahan nilang magiging mabunga ang pagpupulong.

Samantala, sa nasabi ring FB post, itinanggi ni Dureza ang mga balitang nagpahayag siya ng pagiging bukas sa pakikipagnegosasyon sa Abu Sayyaf Group at Bangsamoro Islamic Freedom Fighters (BIFF).

Ayon kay Dureza, kinakailangang harapin ng Abu Sayyaf at BIFF ang full force ng batas dahil sa kanilang terrorism at criminal acts.