Gobyerno umaasa ng malakas na ekonomiya ngayon 2023
Davos, Switzerland – Umaasa ang administrasyon ni Pangulong Ferdinand “Bongbong” Marcos Jr. na magkakaroon ng mas malakas na gross domestic product (GDP) growth ang bansa para sa buong taong ng 2022.
Sa pakikipagpulong ni Pangulong Marcos Jr. sa Philippine chief executive officers dito, sinabi ni Finance Sec. Benjamin Diokno na mas mabilis na GDP growth sa target nilang 6.5 hanggang 7.5 percent.
Sinabi pa ni Diokno na dahil sa inaasahang pagbagal ng global economy, tiyak na lalago ang ekonomiya sa 6.5 percent ngayong taong 2023.
“And that’s still one of the highest if not the highest growth projection in the Asia-Pacific Region,” pahayag ni Diokno.
Sinabi pa ng kalihim na ang manufacturing sector, mababang record ng unemployment, stable at malakas na banking system ay indikasyon ng malakas na ekonomiya
Kasabay nito, aniya gumawa na ang admistrasyong Marcos ng mas maraming competitive at enabling environment para sa public-private partnership (PPP) para mapalakas pa ang programang Build, Better, More infrastructure agenda para maabot ang target GDP growth.
Pero ayon kay Diokno, dahil sa mga kinakaharap na pagsubok, gumagawa ng maliliit na hakbang ang pamahalaan gaya ng pagtatatag ng Maharlika Investment Fund, na kauna-unahang sovereign wealth fund na susupota sa Philippine Development Plan 2023-2028 ng administrasyon.
“The fund, which will be established in keeping with the highest standards of accountability and sound fiscal management, aims to diversify the country’s financial portfolio,” pahayag ni DIokno.
“May the next few days bring forth more intensive collaboration and cooperation towards genuine economic transformation,” dagdag ni Diokno.
Kasama ng Pangulo sa Davos sina House Speaker Ferdinand Martin Romualdez, dating Pangulo at ngayon ay kasalukuyang House Deputy Speaker Gloria Macapagal-Arroyo, Sen. Mark Villar, Rep. Ferdinand Marcos III, Rep. Yedda Marie Romualdez, Trade Sec. Alfredo Pascual, Socioeconomic Planning Sec. Arsenio Balisacan, Special Assistant to the President Antonio Lagdameo Jr. at Transportation Sec. Jaime Bautista.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.