Bahagi ng lalawigan ng Isabela at Ifugao, 16 na oras na mawawalan ng kuryente

May labing anim na oras na scheduled power interruption bukas, araw ng Sabado sa mga lalawigan ng Isabela at Ifugao.

Sa abiso ng National Grid Corporation of the Philippines (NGCP), magsisimula ng alas 8:00 ng umaga (June 11) at tatagal hanggang alas 12:00 ng hatinggabi ang power interruption.

Ayon sa NGCP, magsasagawa sila ng commissioning at restoration work sa kanilang Santiago Substation.

Maapektuhan ng brownout ang mga lugar na sineserbisyuhan ng ISELCO I at IFELCO.

Ayon sa NGCP gagawin nila ang lahat upang maipalik ang kuryente ng mas maaga kaysa sa schedule.