Liquor ban ipatutupad sa Manila para sa pista ng Sto. Niño
By Chona Yu January 12, 2023 - 05:08 PM
Magpapatupad ng liquor ban si Manila Mayor Honey Lacuna sa ilang lugar sa lungsod.
Ito ay bilang paghahanda sa kapistahan ni Senior Sto. Niño sa Enero 15.
Base sa Executive Order Number 3 na nilagdaan ni Lacuna, ipatutupad ang liquor ban mula Enero 12 hanggang 15.
Iiral aniya ang liquor ban sa mga lugar sa paligid ng Sto. Niño de Tondo Parish at Sto. Niño Parish Pandacan.
Ayon kay Lacuna, ito ay para matiyak na magiging maayos ang pagdiriwang ng pista sa dalawang nabanggit na lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.