Truck, sumampa sa center island ng Marcos Hiway, pahinante, naipit
Sugatan ang pahinante ng isang 14-wheeler truck matapos na sumampa ang sasakyan sa center island habang binabagtas ang kahabaan ng Marcos Hiway sa Marikina City.
Naganap ang aksidente sa ibabaw mismo ng Marcos Bridge sa lane na patungo ng Antipolo City.
Alas 4:30 ng umaga nang maganap ang aksidente matapos na iwasan umano ng truck ang isang mixer na nag-cut sa sasakyan.
Sa pagsampa sa center island, binangga din ng truck ang mga nakaharang na bakal sa gitna dahilan para mawasak ang bungad ng sasakyan at maipit sa loo bang pahinante.
Nagtulong-tulong naman ang mga tauhan ng MMDA at Marikina Rescue para maialis sa pagkakaipit ang pahinante.
Bago mag alas 6:00 ng umaga nang maialis sa pagkakaipit ang pahinante na agad isinugod sa pagamutan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.