Mula noong Enero hanggang kahapon, araw ng Linggo, nakapagtala ng 3,127 bagong COVID 19 cases sa bansa, ayon sa Department of Health (DOH).
Kahapon, may 507 na napa-ulat na kritikal o malubha ang kalagayan sa mga ospital.
Sa inilabas na impormasyon ng kagawaran, sa 2,379 ICU beds na inilaan para sa mga pasyente na may COVID, 431 (18.1%) ang okupado.
Samantala, 4,185 o 21.6% naman ng 19,373 non-ICU beds sa ibat-ibang ospital ang okupado.
Sa nakalipas na isang linggo, ang daily average ng nagpopositibo sa sakit ay 447 na mababang siyam na porsiyento kumpara sa naitala sa sinundan na isang linggo (Disyembre 26 – Enero).
Sa naitalang bagong 79 na namatay, 17 ang binawian ng buhay noong Disyembre 26, 2022 hanggang kahapon.
MOST READ
LATEST STORIES