Pagbuhay sa death penalty, tinutulan ni Drilon

Tutol si Senate President Franklin Drilon sa layunin ni President elect Rodrigo Duterte na ibalik ang death penalty sa bansa.

Ayon kay Drilon, hindi perpekto ang justice system sa bansa, kaya’t posibleng magkaroon ng error sa pagpapatupad ng parusang bitay.

Dagdag pa ni Drilon, hindi na maitatama pa kapag nagkaroon ng pagkakamali na mabitay ang isang taong inosente.

Gayunpaman, handa naman aniya siyang makinig at pakinggan ang magiging posisyon ng mas nakakarami sa death penalty.