Ilocos Norte, niyanig ng lindol

Niyanig ng 3.5 magnitude na lindol ang Nueva Era, Ilocos Norte kaninang 1:19 ng umaga.

Ayon sa Philippine Institute of Volcanology and Seismology, tectonic ang origin ang lindol na may lalim na isang kilometro.

Naramdaman ang Intensity III sa Lacub, Abra.

Naitala naman ang Instrumental Intensity I sa Nueva Era, Ilocos Norte.

Ayon sa Phivolcs, wala namang inaasahang aftershocks o tsunami matapos ang lindol.

Wala ring naiulat na nasirang ari-arian matapos ang lindol.