Sumakabilang-buhay kaninang madaling araw si 2010 Pilipinas Got Talent champion Jovit Baldivino matapos ma-comatose ng ilang araw sa isang ospital sa Batangas.
Naglabas na ng opisyal na pahayag ang kanyang pamilya sa pamamagitan ni Jerry Telan, ang dating handler ni Baldivino sa Star Magic, at kinumpirma ang pagkamatay nito sa edad na 29.
Sa pahayag, naibahagi din ang pangyayari bago ma-stroke si Baldivino sa isang party sa Batangas City noong araw ng Sabado, Disyembre 3.
“Then he was invited by a family friend from Batangas City. Doctor’s advice not to sing while recuperating. Knowing “Bundoy” (Jovit), he gave in to clamor of the crowd. He sang 3 signature songs including Faithfully by Journey. He was gasping for breath on the 3rd song,” ayon sa pahayag.
Umiinom ng mga gamot kontra hypertension si Baldivino at pinayuhan na magpahinga ng isang linggo.
Makalipas ang isang oras sa kanyang pagkanta, nag-iba na ang hugis ng mukha ni Baldivino kaya isinugod na ito sa Nazareth of Jesus Hospital
“CTscan showed a blood clot in the brain (sign of aneurysm). 100cc of blood was suctioned 2:00 AM of December 4, 2022. He was In comatose for 5 days,” base sa inilabas na pahayag.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.