Customs Bureau nalagpasan ang November target collection pati 2022 target

By Jan Escosio December 05, 2022 - 06:48 PM

Nahigitan ng Bureau of Customs (BOC) ang target sa kanilang koleksyon noong nakaraang buwan.

Sa inilabas na pahayag ng kawanihan, nakakolekta sila ng P76.77 bilyon, na mas mataas ng P16.176 bilyon o 26.7 porsiyento sa itinakdang target na P60.603 bilyon.

Mula naman Enero hanggang Nobyembre, nakakolekta na ang BOC ng P790.301 bilyon.

Itinuturing na itong makasaysayan dahil hanggang noong Nobyembre 11, naabot na ang target collection sa buong taon na P721.52 bilyon.

Ang naitalang kabuuang nakolekta mula Enero hanggang Nobyembre ay higit P68 bilyon o 9.5 porsiyentong lagpas sa naturang target.

Una nang nagpahayag ng kumpiyansa si Finance Sec. Benjamin Diokno sa BOC na mahihigitan ng kawanihan ang kanilang collection target.

Mapapagtakpan pa aniya nito ang kakulangan sa koleksyon ng ibang ahensiya.

 

TAGS: BOC, collection, target, BOC, collection, target

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.