Tapyas sa presyo ng krudo, gasolina at kerosene bukas

Muling magkakaroon ng pagbawas sa presyo ng mga produktong-petrolyo ngayon linggo.

Sa magkakahiwalay na anunsiyo, matatapyasan ng P1.95 kada litro at P1.90 kada litro ang presyo ng gasolina at diesel ng Seaoil, Petro Gazz, PTT Philippines, Caltex, at Clean Fuel.

Ayon pa sa Seaoil at Caltex, P1.65 kada litro ang ibaba ng presyo ng kanilang kerosene,

Ngayon taon, ayon sa Department of Energy (DOE), tumaas ng P17.75 ang kada litro ng gasolina, P33.85 naman sa diesel at P27.85 sa kerosene.

Inaasahan na magkakaroon din ng ‘price rollback’ sa kanilang mga produktong-petrolyo ang ibang kompaniya ng langis.