Pope Francis bibisita sa Congo at South Sudan

 

Bibisita si Pope Francis sa Democratic Republic of Congo at South Sudan sa susunod na taon.

Ayon sa Vatican, una nang plinano ng Santo Papa na magtungo sa dalawang bansa subalit hindi natuloy dahil problema sa tuhod.

Bibisitahin ng 85-anyos na Santo Papa sa Kinshasa sa Congo sa Enero 31 hanggang Pebrero 3 bago magtungo sa Juba sa South Sudan sa Pebrero 3 hanggang 5.

Makakasama ng Santo Papa sa Juba sina Archbishop of Canterbury, Justin Welby, at Moderator ng General Assembly of the Church of Scotland na si Iain Greenshields.

Ito na ang ikalimang beses na bibisita ang Santo Papa sa African continent mula nang mahalal na pinuno ng simbahang katolika noong 2013.