Bilang ng bagong COVID-19 cases bahagyang tumaas – DOH

 

Nakapagtala ang Department of Health (DOH) ng 8,032 bagong kaso ng COVID-19 sa bansa noong Nobyembre 21 hanggang 27.

Ito, ayon sa kagawaran, ay nagpakita ng pagtaas na 0.3 porsiyento kumpara sa naitalang bilang sa sinundan na isang linggo.

Ang daily average cases ay 1,147 at sa mga bagong kaso, lima ang severe at critical infections.

May kabuuang 599 pasyente ang kritikal ang kalagayan ngayon sa mga pagamutan na 9.3 porsiyento ng kabuuang COVID-19 patients sa bansa.

May naitalang 120 namatay, kabilang ang 17 noong Nobyembre 14 hanggang 27.