Tiwala si Senator Sherwin Gatchalian na malaki ang mababawas sa bilang ng mga kumalat na scam at spam text messages.
Ito ayon sa senador ay dahil minamadali na ang implementing rules and regulations (IRR) ng SIM Registration Law para maipatupad na ito.
Aniya naobserbahan niya na sa kabila ng pagkakaroon ng batas, patuloy pa rin ang pagbaha ng scam at phishing messages sa cellphones.
Inaasahan na sa darating na Disyembre 27 ay maipapatupad na ang batas.
Sa darating na Disyembre 5 ay magsasagawa ang National Telecommunications Commission (NTC) ng pagdinig ukol sa batas para sa pagpalantsa sa IRR.
Sa batas, kailangan ay iparehistro muna ang SIM bago ito magagamit gamit ang valid IDs.
MOST READ
LATEST STORIES