GRP at NDFP panel mag-uusap na sa susunod na linggo
Kinumpirma ni National Democratic Front of the Philippines (NDFP) political consultant Jose Maria Sison na sisimula na sa susunod na linggo ang preliminary talks sa pagitan ng kanilang grupo at ng pamahalaan ng Pilipinas na gaganapin sa Oslo Norway.
Ang nasabing written statement ay ipinadala ni Sison sa isang forum na kasalukuyang ginaganap sa Ateneo De Davao University.
Sinabi pa ni Sison na wala silang nakikitang balakid para hindi matuloy ang peace talk sa ilalim ng Duterte administration.
Ipinaliwanag din ni Sison ang kanyang kahandaang bumalik sa bansa para ipakita na bukas ang kanilang grupo sa pagsusulong ng tunay na kapayapaan sa Pilipinas.
Sinabi naman ni NDFP spokesman Fidel Agcaoili na mismong si incoming President Rodrigo Duterte ang nagsabi sa kanya na tuloy na ang nasabing preliminary talks sa susunod na linggo.
Pupunta sa Oslo sina peace process adviser Jess Dureza, incoming Labor Sec. Silvestre Bello at dating Alaminos Mayor Hernani Braganza na dati na ring namuno sa GRP panel.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.