Blue Ribbon Committee sa Senado inireserba para kay Cayetano
Ang chairmanship ng makapangyarihang Senate Blue Ribbon Comittee ang ilalaan ni Sen. Koko Pimentel kay Sen. Alan Peter Cayetano kung sakaling manalo siyang Senate President at matalo nito si Cayetano.
Ayon kay Pimentel, kung nanaisin ni Cayetano na maging chairman ng nasabing comitte ay ibibigay niya ito sa kapwa Senador.
Ang Blue Ribbon Committee o Committee on Accountability ang komiteng iiwanan ni outgoing Sen. TG Guingona.
Hihikayatin din umano ni Pimentel si Cayetano na maging bahagi ng majority group sa Senado.
Sa isang press conference sa Maynila ay sinabi ni Senate President Franklin Drilon na tiyak na ang pag-upo ni Pimentel bilang susunod na pinuno ng Senado.
Nauna na ring lumutang ang pangalan ni Sen. Tito Sotto bilang Senate Majority Floor Leader at si Sen. Chiz Escudero naman ang mamumuno sa Minority bloc.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.