Paolo Ballesteros, kinarir ang panggagaya sa pitong Game of Thrones characters
Career ang ginawang makeup transformation ni Eat Bulaga host Paolo Ballesteros sa mga character sa tanyag na seryeng Game of Thrones.
Si Ballesteros ay nakapahinga at ilang buwan nang hindi nakikita sa noontime show.
Bagaman hindi binanggit ng pamunuan ng TAPE kung ano ang dahilan ng pagkawala ni Paolo, may mga balitang suspendido umano ito.
Sa kaniyang Instagram account, sunod-sunod na ipinost ni Ballesteros ang makeup transformation niya sa mga character ng Game of Thrones.
Unang ginaya ni Ballesteros ang aktres na si Natalie Dormer bilang “Margaery Tyrell”, ang nasabing post ay umano na ng halos 30,000 likes sa Instagram.
Pumatok din sa netizens ang panggagaya ni Paolo kay Sophie Turner bilang “Sansa Stark” sa Game of Thrones na ngayon ay mayroong mahigit 31,000 likes na.
Umani naman ng mahigit 35,000 likes sa Instagram ang makeup transformation ni Paolo sa aktres na si Lena Headey bilang “Cersei Lanniester”.
Maliban sa tatlo, ginaya din ni Paolo ang iba pang karakter sa Game of Thrones na sina Elimia Clarke bilang “Daenerys Targaryen”, si Maisie Williams bilang “Arya Stark, si Gwendoline Christie bilang “Brienne of Tarth” at si Carice Van Houten bilang “Melisandre”.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.