Hindi pa rin nagpapaka-kampante si Pangulong Ferdinand “Bongbong” Marcos Jr. sa pagdoble kayod para mabigyan ng trabaho ang mga Filipino.
Ito ay kahit na nabawasan na ang bilang ng mga Filipino na walanng trabaho.
Base sa pinakahuling ulat ng Philippine Statistics Authority, nasa 2.5 milyong Filipino na lamang ang walang trabaho noong buwan ng Setyembre, mas mababa sa 2.68 milyong Filipino na walang trabaho noong buwan ng Agosto.
Ayon sa Pangulo, isaang welcome development ang pagbaba ng mga walang trabaho mula nang pumutok ang pandemya sa COVID-19 may dalawang taon na ang nakararaan.
“Ever since we started with the economic team, even before I took office, we really concentrated on the creation of jobs,” pahayag ng Pangulo.
“And that’s why it is having the effect now of bringing down our unemployment rate,” dagdag ng Pangulo.
Sinabi pa ng Pangulo na patunay ito na gumaganda na ang ekonomiya ng bansa.
“This is a good sign. The economy is trying very hard to grow,” dagdag ng Pangulo.
“We just have to be able to tolerate the shocks that are coming from abroad. But otherwise, the economy is moving in the right direction,” dagdag ng punong ehekutibo.