Dalapuri Islands, Cagayan, niyanig ng 5.0 magnitude na lindol

Niyanig ng 5.0 magnitude na lindol ang Dalapuri Islands, Cagayan kaninang 1:34 ng hapon.

Ayon sa Phivolcs, tectonic ang origin na may lalim na 54 kilometro.

Naramdaman ang Intensity III sa Luna, Apayao at sa Pasuquin, Ilocos Norte.

Naramdaman naman ang Intensity II sa Lal-lo, Buguey, Lasam at Penablanca, Cagayan.

Naitala naman ang Instrumental Intensity III sa Claveria, Cagayan at sa Pasuquin, Ilocos Norte.

Naitala ang Instrumental Intensity II sa Penablanca, Cagayan at Laoag City, Ilocos Norte.

Naitala ang Instrumental Intensity I sa Gonzaga, Cagayan; Batac City sa Ilocos Norte at Sinait sa Ilocos Sur.

Ayon sa Phivolcs, asahan na ang mga aftershocks matapos ang lindol.

Wala naming naiulat na nasirang ari-arian dahil sa lindol.